Nakiisa ang DILG MIMAROPA sa Programang Handog ng Pangulo: Serbisyong Sapat Para sa Lahat sa lalawigan ng Occidental Mindoro na ginanap sa bayan ng Mamburao nitong Biyernes, Setyembre 13.

Personal itong dinaluhan ni DILG MIMAROPA Regional Director Karl Caesar Rimando, CESO III, DILG Occidental Mindoro Provincial Director Juanito Olave, Jr., CESO V, CAO Chief Atty. Pilipinas Baclayen at LGCDD Chief Ma. Teresita Iglesia.

Sa nasabing aktibidad, nagkaloob ng libreng serbisyo at namahagi ng ayuda ang iba’t ibang ahensya gaya ng DOH, DTI, DA, DOLE, PSWDO, PSA, PESO, SSS, GSIS, Kadiwa ng Pangulo at TESDA sa mga Mindoreños.

Layunin ng nasabing programa na ilapit ang mga serbisyo ng pamahalaan sa taumbayan at maipakilala ang ilan sa mga pangunahing programa ng iba’t ibang ahensya ng gobyerno.

DILG Occidental Mindoro